Bakının Xəzər rayonunun Buzovna qəsəbəsində yerləşən anbarlardan birində elektrik naqillərinin oğurlanması faktı qeydə alınıb.
Daxili İşlər Nazirliyinin mətbuat xidmətindən "Operativ Məlumat Mərkəzi-OMM"-ə bildirilib ki, polis əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən 34 yaşlı C. Mütəllimzadə saxlanılıb.
Araşdırmalar zamanı müəyyən edilib ki, şübhəli şəxs əvvəllər həmin anbarda çalışdığı üçün əraziyə yaxından bələd olub. O, oğurladığı elektrik naqillərini yandıraraq əlvan metal qəbulu məntəqələrinə satıb.
Bundan əlavə, Qaradağ rayonunda marketlərdən birində oğurluq hadisəsi ilə bağlı aparılan araşdırmalar nəticəsində 38 yaşlı B. Qasımov da polis tərəfindən saxlanılıb.
Faktlarla bağlı araşdırmalar davam etdirilir.
