Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) "Gənclik" və "28 may" metrostansiyaları ətrafında bəzi yollarda işıqforların işləməməsinin səbəbinə aydınlıq gətirib.
Qurumdan "Operativ Məlumat Mərkəzi-OMM"-ə bildirilib ki, qeyd olunan yollarda işıqforların işləməməsinə səbəb qurğularda yaranan problem yox, əraziyə verilən elektrik enerjisinin kəsilməsi olub:
"Aidiyyəti dövlət qurumu tərəfindən qısa zamanda elektrik enerjisinin verilişi bərpa olunub və hazırda işıqforlar tam işlək vəziyyətdədir".
