Bakı metrosu martda 18 milyondan çox sərnişin daşıyıb

"Bakı Metropoliteni" QSC bu ilin mart ayında sərnişindaşıma üzrə yüksək göstəricilər qeydə alaraq, ümumilikdə 18 269 887 sərnişinə xidmət göstərib.

“Operativ Məlumat Mərkəzi-OMM”-in məlumatına görə, bu rəqəm ötən ilin eyni dövrü ilə müqayisədə 1,1 % çoxdur.

Ötən ay ən çox sərnişin martın 6-da daşınıb və bu göstərici 796 734 nəfər təşkil edib. Bayram günlərində mərkəz istiqamətində axın kəskin şəkildə artıb. Xüsusilə 21-22 mart tarixlərində "Sahil" stansiyası metronun ən işlək nöqtəsi olub və adi vaxtlardan 51 % daha çox sərnişin qəbul edib.

Metroda rəqəmsal keçid də xeyli sürətlənib. Statistikaya əsasən, hər 3 nəfərdən biri artıq gediş ödənişlərini NFC texnologiyası vasitəsilə həyata keçirir.