OMM Redaksiyası
Azərbaycanın beş boksçusu Monteneqronun Budva şəhərində təşkil olunan 17 yaşadək idmançılar arasında Avropa çempionatının finalında mübarizə aparacaq.
Həlledici döyüşlər iki sessiyada keçiriləcək. Saat 15:00-da başlayacaq gündüz sessiyasında iki, saat 19:00-dakı axşam sessiyasında isə üç azərbaycanlı boksçu çıxış edəcək.
Gündüz sessiyasında Cəmilə Muradlı (57 kq) Almaniya təmsilçisi Aliya İbrahimlə, Səma Abbasova (66 kq) isə Türkiyə boksçusu Ada Eybeylə qarşılaşacaq.
Axşam sessiyasında Həsrət Məmmədov (46 kq) rumıniyalı Kristi Kaşu ilə, İsmayıl Nəsirzadə (52 kq) İngiltərə təmsilçisi Şaylo Makleodla, Məhəmmədəli İstamov (57 kq) isə Con Elamla üz-üzə gələcək.
Azərbaycan boksçularının bütün döyüşləri A rinqində baş tutacaq.
