Türkiyənin Antalya şəhərindəki təlim-məşq toplanışında iştirak edəcək elit kateqoriyalı, 1-ci dərəcəli hakim və köməkçi hakimlərin adları açıqlanıb. 

"Operativ Məlumat Mərkəzi-OMM" milli assosiasiyanın rəsmi saytına istinadən xəbər verir ki, 20 referi, 24 referi köməkçisi sözügedən ölkəyə yollanacaq. 

Referilər: Əliyar Ağayev, Rauf Cabarov, Elçin Məsiyev, İnqilab Məmmədov, Rəvan Həmzəzadə, Rəşad Əhmədov, Kamal Umudlu, Fərid Hacıyev, Tural Qurbanov, Rauf Allahverdiyev, Nicat İsmayıllı, Cavid Cəlilov, Kamranbəy Rəhimov, Emin Əliyev, Kamran Əliyev, Əli Əliyev, Fəridə Lütfəliyeva, Əkbər Əhmədov, Şamil İmanzadə, İslam Məmmədov

Referi köməkçiləri: Namiq Hüseynov, Zeynal Zeynalov, Akif Əmirəli, Elşad Abdullayev, Pərvin Talıbov, Cəmil Quliyev, Rahil Ramazanov, Müslüm Əliyev, Kamran Bayramov, Eyyub İbrahimov, Rəhman İmami, Vüsal Məmmədov, Teymur Teymurov, Şirmamed Mamedov, Zöhrab Abbasov, Asiman Əzizli, Sevda Nuriyeva, Gülnurə Əkbərzadə, Kərim Zeynalov, Tərlan Talıbzadə, Sənan Atayev, Mirnihat Seyidov, Samir Qaracayev, Orxan İbişov

Qeyd edək ki, yanvarın 8-də start götürəcək hazırlıq prosesi 10 gün davam edəcək.

Bu gün futbol üzrə UEFA Millətlər Liqasında 2024/2025-ci illər mövsümünün qrup mərhələsinin 1-ci turuna yekun vurulub.

"Operativ Məlumat Mərkəzi-OMM" xəbər verir ki, A, B, C və D Liqaları çərçivəsində son 9 qarşılaşma baş tutub.

Günün əsas oyunlarından biri Almaniya və Macarıstan yığmaları arasında keçirilib. Bundestim doğma meydanda 5 cavabsız qola sevinib. A Liqasındakı digər oyun Niderland ilə Bosniya və Herseqovina yığmaları arasında olub. Yeddi qolluq bu matçda da meydan sahibləri darmadağına seviniblər.

Ukrayna yığması ilk turda Albaniyanı sınağa çəkib və məğlubiyyətə üzülüb. İngiltərə millisi isə İrlandiyanı səfərdə 2 cavabsız qolla üstələyib.

Qonşu Gürcüstan yığması Çexiya millisini doğma meydanda böyük hesabla məğlub edib. Ermənistan da Latviya ilə ev oyununda oxşar hesabla qalib gəlib.

Xatırladaq ki, UEFA Millətlər Liqasında qrup mərhələsinin 1-ci turunun qalan oyunları əvvəlki iki gündə keçirilib.

UEFA Millətlər Liqası
Qrup mərhələsi, 1-ci tur
7 sentyabr

A Liqası, 3-cü qrup

Almaniya – Macarıstan 5:0
Qollar: Füllkruq, 27. Musiala, 58. Virts, 66. Pavloviç, 77. Haverts, 81-pen.

Niderland – Bosniya və Herseqovina 5:2
Qollar: Zirkze, 13. Reynders, 45+2. Qakpo, 56. Veqhorst, 88. X.Simons, 90+2 – Demiroviç, 27. Dzeko, 73.

B Liqası, 1-ci qrup

Gürcüstan – Çexiya 4:1
Qollar: Kvaratsxeliya, 33-pen. Çakvetadze, 53. Mikautadze, 63. Koçoraşvili, 66 – Kalvaç, 80.

Ukrayna – Albaniya 1:2
Qollar: Konoplya, 49 – İsmayli, 54. Asani, 66.

B Liqası, 2-ci qrup

İrlandiya – İngiltərə 0:2
Qollar: Rays, 11. Qriliş, 26.

Yunanıstan – Finlandiya 3:0
Qollar: İoannidis, 24; 76. Kallman, 37-öz qapısına.

C Liqası, 4-cü qrup

Farer adaları – Şimali Makedoniya 1:1
Qollar: Davidsen, 9-pen – Bardi, 49-pen.

Ermənistan – Latviya 4:1
Qollar: Bıçakçıyan, 6. Dubra, 35-öz qapısına. Zelarayan, 48. Spertsyan, 86 – Harutunyan, 9-öz qapısına.

D Liqası, 2-ci qrup

Moldova – Malta 2:0
Qollar: Kaymakov, 32. Nikolaesku, 45+5-pen.

Aleksey Kaşukun "Qarabağ"a transferi ilə bağlı maraqlı fakt üzə çıxıb.

"Operativ Məlumat Mərkəzi-OMM" xəbər verir ki, ukraynalı Ağdam klubuna Şahruddin Məhəmmədəliyevin vasitəsilə keçib.

Son olaraq “Şaxtyor”da (Donetsk) çıxış etmiş yarımmüdafiəçi avqustda “Adana Demirspor”dan geri dönmüş qapıçıyla əlaqə saxlayıb, “Qarabağ”la anlaşmaq istədiyini bildirib.

Dağıstanlı kiper də Qurban Qurbanovla danışıb, onların görüşünü təşkil edib.

Müqaviləsi bitdikdən sonra azad agent statusu daşıyan 24 yaşlı hücumameyilli yarımmüdafiəçi ilə beləcə, 3 illik sözləşmə imzalanıb.

Donetsk klubunun yetirməsi 2019-2022-ci illərdə icarə əsasında ölkəsində “Mariupol”un, 2022/2023 mövsümündə isə Azərbaycanda “Sabah”ın formasını geyinib.

Ukraynanın aşağı yaş qrupları üzrə bütün yığmalarında çıxış etmiş yarımmüdafiəçi 2019-cu ildə 20 yaşadək futbolçulardan ibarət milli komandalar arasında keçirilən dünya çempionatının qalibi olub.

"Mançester Siti"nin yarımmüdafiəçisi Mateo Kovaçiç klubda qalacaq.

"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano bildirib.

Daha əvvəl 30 yaşlı yarımmüdafiəçinin karyerasını Səudiyyə Ərəbistanının “Əl-Nəsr” klubunda davam etdirə biləcəyi barədə məlumatlar yayılmışdı.

Mənbənin sözlərinə görə, Kovaçiçin Səudiyyə Ərəbistanına transferi ilə bağlı danışıqlar aparılmayıb.

Xatırladaq ki, Kovaçiç 2023-cü ilin yayından “Mançester Siti”də çıxış edir. Yarımmüdafiəçinin "şəhərlilər"lə hazırkı müqaviləsi 2026/27 mövsümünün sonuna qədər qüvvədədir.

"Atletiko Madrid"in baş məşqçisi Dieqo Simenone mərakeşli yarımmüdafiəçi Sofyan Amrabatı komandasına transfer etmək istəyib.

"Operativ Məlumat Mərkəzi-OMM" jurnalist Fabrizio Romanoya istinadən xəbər verir ki, avqustun son həftəsində Simeone şəxsən Amrabata bir neçə dəfə zəng edib, lakin “Atletiko” yarımmüdafiəçini almaq hüququnu icarə müqaviləsinə daxil etmək istəməyib.

Nəticədə 28 yaşlı yarımmüdafiəçi “Fənərbaxça”ya keçib.

Çünki komandanın baş məşqçisi Joze Mourinyo da Amrabatla şəxsən danışıb.

"Mançester Siti" və "Liverpul" gələn yay “Kristal Pelas”ın yarımmüdafiəçisi Adam Uorton üçün mübarizə aparacaqlar.

"Operativ Məlumat Mərkəzi-OMM" "Daily Mail"ə istinadən bildirir ki, 20 yaşlı futbolçu "şəhərlilərin" və "qırmızılar"ın radarındadır.

Qeyd olunur ki, “Mançester Siti” Rodrinin potensial gedişini nəzərə alaraq Uortonu transfer etmək istəyir.

Son zamanlar ispaniyalının "Real Madrid"ə transferi ilə bağlı şayiələr yayılıb.