OMM Redaksiyası
Xarici işlər naziri Ceyhun Bayramov BMT Baş Assambleyasının 81-ci sessiyası çərçivəsində Dominikan Respublikasının xarici işlər naziri İto Bisono ilə görüşüb.
"Operativ Məlumat Mərkəzi-OMM" xəbər verir ki, tərəflər ikitərəfli münasibətlərin inkişaf perspektivlərini, siyasi dialoqun institusionallaşdırılmasını və beynəlxalq təşkilatlar çərçivəsində əməkdaşlığın gücləndirilməsini müzakirə ediblər.
Görüşdən sonra adi pasport sahibləri üçün qarşılıqlı viza tələbindən azad etmə haqqında Saziş imzalanıb.
Həmçinin Azərbaycan və Dominikan Respublikasının xarici işlər nazirlikləri arasında siyasi məsləhətləşmələr mexanizminin yaradılması haqqında Anlaşma Memorandumu imzalanıb.
