Gəncədə 18 yaşlı qadının bıçaqlanmasının təfərrüatları məlum olub.
"Operativ Məlumat Mərkəzi-OMM" APA-ya istinadən xəbər verir ki, şəhər sakini A.Əmiraslanovanı bıçaqlayan M.Ə. onunla qeyri-rəsmi nikahda olan yeniyetmədir.
Belə ki, hadisə şəhərin “Qaraçılar məhəlləsi” kimi tanınan ərazisində baş verib. Orada yaşayan A. Əmiraslanova və 2009-cu il təvəllüdlü M.Ə. qeyri-rəsmi nikahda olub. Sonra A.Əmiraslanova sevgilisindən ayrılaraq başqa şəxslə ailə həyatı qurub. M.Ə.-nin onu başqa şəxslə evləndiyinə görə bıçaqladığı bildirilir.
