İşğaldan azad edilmiş ərazilərə bu günə kimi 1360 ailə, 5354 nəfər köçürülüb.
Bu barədə "Operativ Məlumat Mərkəzi-OMM"-in sorğusuna Qaçqınların və Məcburi Köçkünlərin İşləri üzrə Dövlət Komitəsindən bildirilib.
Qeyd edilib ki, Füzuli şəhəri 527 ailə, 1969 nəfər, Laçın şəhərinə 431 ailə, 1627 nəfər, Ağalı kəndinə 175 ailə, 871 nəfər, Talış kəndinə 20 ailə, 90 nəfər, Zabux kəndinə 207 ailə, 797 nəfər köçürülüb.
Vurğulanıb ki, 2024-cü ildə Şuşa, Xocalı, Kəlbəcər, Füzuli, Laçın, Cəbrayıl şəhərlərinə, Laçın rayonun Sus kəndinə, Xankəndi şəhərinin Kərkicahan qəsəbəsinə, Xocalı rayonunun Malıbəyli kəndinə həmin yerlərdən məcburi köçkün düşmüş şəxslərin köçürülməsi nəzərdə tutulub.
