OMM Redaksiyası
ABŞ və İsrailin İranın enerji obyektlərinə və körpülərinə qarşı birgə hücum planı hazır vəziyyətdədir.
"Operativ Məlumat Mərkəzi-OMM" xəbər verir ki, bu barədə “Axios” portalı məlumat yayıb.
Məlumatda qeyd olunur ki, planın icrası üçün yalnız Donald Trampın təsdiqi gözlənilir. Mənbələrdən biri bildirib:
"Prezident razılaşmanın formalaşdığını görərsə, böyük ehtimalla gözləyəcək. Lakin bu qərarı yalnız və yalnız o verə bilər".
Digər bir mənbə isə Trampın razılaşmanı qəbul etməyə meylli olduğunu, lakin İran tərəfinin buna hazır olub-olmadığının qeyri-müəyyən qaldığını vurğulayıb.
Eyni zamanda, müdafiə rəsmilərindən biri hücumun təxirə salınması ehtimalına ehtiyatla yanaşdığını və danışıqlar prosesinin kritik mərhələyə qədəm qoyduğunu bildirib.
Xatırladaq ki, daha əvvəl Hörmüz boğazını 48 saat ərzində açmayacağı təqdirdə İranı hədələyən ABŞ Prezidenti, aprelin 5-də sosial şəbəkə hesabında konkret vaxt göstərərək xəbərdarlıq etmişdi.
