OMM Redaksiyası
Avstriya dörd rusiyalı diplomatı “persona non-qrata” elan edib.
"Operativ Məlumat Mərkəzi - OMM" xəbər verir ki, bu barədə Avstriya Xarici İşlər Nazirliyinin mətbuat xidməti “Twitter” səhifəsində məlumat verib.
Nazirliyin məlumatına görə, Rusiya səfirliyinin iki diplomatı öz statuslarına uyğun gəlməyən hərəkətlərə yol verib.
“Rusiyanın BMT-dəki daimi nümayəndəliyinin əməkdaşları arasında iki diplomat Baş Qərargah Sazişinə zidd hərəkətlər edib”, - deyə məlumatda qeyd edilib.
Onlardan Avstriya ərazisini tərk etmək tələb olunub.
