Avstraliyalı tədqiqatçılar yalnız Kvinslenddə rast gəlinən çox böyük hörümçək növü aşkar ediblər.
"Operativ Məlumat Mərkəzi-OMM" xarici KİV-ə istinadən xəbər verir ki, bu nadir növün dişiləri vəhşi təbiətdə 20 ildən çox yaşaya bilər. Dişiləri 5 sm-ə qədər, erkəkləri isə 3 sm-ə qədər böyüyür.
Tələ qapısı adlanan hörümçəklər həşəratları ovlamaq üçün yarpaqlardan “tələ qapıları” düzəldirlər.
Yeni tapılan növ- Euoplos dignitas, mərkəzi Kvinslend bölgəsindəki yarı quraq meşəliklərdə aşkar edilmiş qızılı tələ qapılı hörümçək növüdür. İnsanlar üçün təhlükəli deyil.
Dünyadakı ən böyük hörümçək, ümumi olaraq qoliat quşçusu kimi tanınır - bədən uzunluğu təxminən 13 sm və ayağı 30 sm - yemək boşqabının ölçüsündən daha böyükdür.