Futbol üzrə 2024-cü il Avropa Çempionatının (AVRO 2024) seçmə mərhələsinin 5-ci turun oyunları başlayır.

"Operativ Məlumat Mərkəzi-OMM" xəbər verir ki, sabah B, E, G və H qruplarında oyunlara start veriləcək.

Cümə axşamı, 7 sentyabr:

B qrupu

22:45 Niderland - Yunanıstan

22:45 Fransa - İrlandiya Respublikası

E qrupu

22:45 Çexiya - Albaniya

22:45 Polşa - Farer adaları

G qrupu

20:00 Litva - Monteneqro

22:45 Serbiya - Macarıstan

H qrupu

18:00 Qazaxıstan - Finlandiya

22:45 Danimarka - San Marino

22.45 Sloveniya - Şimali İrlandiya

Cümə, 8 sentyabr:

A qrupu

12:00 Gürcüstan-İspaniya

22:45 Cənubi Kipr - Şotlandiya

D qrupu

22:45 Xorvatiya - Latviya

22.45 Türkiyə - Ermənistan

J qrupu

22.45 Lüksemburq - İslandiya

22:45 Slovakiya - Portuqaliya

22:45 Bosniya və Herseqovina - Lixtenşteyn

Şənbə, 9 sentyabr

C qrupu

20:00 Ukrayna - İngiltərə

22:45 Şimali Makedoniya - İtaliya

F qrupu

17:00 Azərbaycan - Belçika

20:00 Estoniya - İsveç

I qrup

20:00 Andorra - Belarus

22:45 Rumıniya - İsrail

22:45 Kosovo - İsveçrə

“Şahmatçılarımızın uğurlu çıxışının davam edəcəyinə inanırıq”.

"Operativ Məlumat Mərkəzi-OMM" xəbər verir ki, bunu Azərbaycan Şahmat Federasiyasının baş katibi İlahə Qədimova yeniyetmələrin Rumıniyada baş tutan Avropa çempionatında 4 qızıl, 2 gümüş və 1 bürünc medal qazanması ilə bağlı danışarkən deyib.

O, bu yarışda 7 medalın əldə olunmasını böyük uğur hesab edib: "Bunlardan dördünün qızıl olmasını xüsusi qeyd etmək istərdim. Bizim şahmatçılar əvvəllər heç vaxt qitə çempionatında 4 qızıl medal qazanmayıb. Bu ilkdir, tarixi uğurdur. Federasiyanın son illər gördüyü sistemli işin nəticəsidir. Bu münasibətlə şahmatçıları, onların məşqçilərini, valideynlərini təbrik edirəm. Gələn ay şahmatçılarımız yeniyetmələr arasında dünya çempionatına yollanacaqlar. Rumıniyadan sonra dünya çempionatında da uğurlu çıxış edəcəklərinə inanırıq”.

Xatırladaq ki, Avropa çempionatında Məhəmməd Kazımzadə, Mehriban Əhmədli, Əhməd Xaqan, Rüstəm Rüstəmov qızıl, Ayan Allahverdiyeva və Xəzər Babazadə gümüş, Səadət Bəşirli isə bürünc medal əldə edib.

Almaniyanın Düsseldorf şəhərində at polosu üzrə 14-cü Avropa çempionatında gümüş medal qazanan Azərbaycan millisinin təltifləndirilməsi münasibətilə Dövlət Sərhəd Xidməti (DSX) Aparatında tədbir keçirilib.

DSX-dan "Operativ Məlumat Mərkəzi-OMM"ə verilən məlumata görə, tədbirdə Dövlət Sərhəd Xidmətinin rəhbər heyəti, Gənclər və idman naziri Fərid Qayıbov, nazir müavini Mariana Vasileva və Atçılıq Federasiyasının nümayəndələri iştirak edib.

Azərbaycan Prezidenti, Silahlı Qüvvələrin Ali Baş Komandanı cənab İlham Əliyevin qayğısı sayəsində ölkədə idmanın bütün sahələrində olduğu kimi atçılıq növünün də inkişafının xüsusi diqqət mərkəzində saxlanıldığı, çövkən, konkur, polo komandalarının respublika üzrə və digər ölkələrdə keçirilmiş mötəbər turnirlərdə, beynəlxalq yarışlarda Azərbaycanı yüksək səviyyədə təmsil edərək uğurlar qazandıqları qeyd olunub.

Mərasimdə qitə yarışında iştirak etmiş Azərbaycan yığması Atçılıq Federasiyasının prezidenti Elçin Quliyev tərəfindən çempionatın ikinci pilləsinə yüksəlmələri münasibətilə təbrik edilərək nümayiş etdirdikləri əzmkarlıq və fədakarlığa görə təltif edilib.

Nazir Fərid Qayıbov beynəlxalq turnirdə ölkəni uğurla təmsil etmiş Azərbaycan idmançıları və onların məşqçilərini iki dəfə ardıcıl olaraq at polosu üzrə Avropa Çempionatında layiqli təmsil edərək uğur qazanmaları və ölkəmizi beynəlxalq arenalarda yüksək səviyyədə təmsil etdikləri üçün təbrik edib və yeni-yeni uğurlar arzulayıb.

Görüş zamanı Gənclər və idman nazirliyi və Azərbaycan Atçılıq Federasiyası tərəfindən Azərbaycanda atçılığın polo və digər idman növlərinin inkişaf perspektivləri ilə bağlı birgə görüləcək işlər barədə fikir mübadiləsi aparılıb.

Tədbirin sonunda təltifləndirilən heyətlə xatirə fotoşəkilləri çəkdirilib.