OMM Redaksiyası
Madridin “Atletiko” klubu “Real”ın yarımmüdafiəçisi Federiko Valverdenin zədədən sonra ümumi məşq qrupuna qayıtmasına münasibət bildirib. Uruqvaylı futbolçunun oktyabrın 9-da “Vilyarreal”la oyunun iştirak ərizəsinə daxil edildiyi məlum olub.
28 yaşlı Valverde La Liqanın 7-ci turunda “Atletiko” ilə keçirilən və 2:1 hesabı ilə başa çatan matçdan sonra sol topuğunun bağlarında üçüncü dərəcəli dartılma diaqnozu almışdı.
Belə zədələrdən sonra bərpa müddətinin adətən bir ay yarımdan üç ayadək çəkdiyi bildirilir. Valverde isə 18 gün ərzində məşqlərə qayıdıb və “Vilyarreal”la görüşün heyətinə salınıb.
“Atletiko”nun mətbuat xidməti sosial şəbəkə X-də yazıb: “Real”ı dünya tibb ictimaiyyətinin 100 faizinin yanıldığını sübut edərək tarix yazmağa davam etdiklərinə görə təbrik etmək istəyirik”.
