"Atalanta"nın hücumçusu Mateo Reteqi İngiltərə Premyer Liqasına keçə bilər.
"Operativ Məlumat Mərkəzi-OMM" "Calcio Mercato" istinadən xəbər verir ki, italyan futbolçu ilə "Arsenal" maraqlanır.
"Atalanta" forvardı ilə 45 milyon avroya ayrılmağa hazırdır.
Qeyd olunur ki, Mateo uğrunda mübarizəyə "Napoli" və "Yuventus" da qoşulub.
25 yaşlı Reteqi bu mövsüm "Atalanta"nın heyətində 19 oyun keçirib, 14 qol vurub və 3 məhsuldar ötürmə edib.
Onun İtaliya klubu ilə müqaviləsi 30 iyun 2028-ci ilə qədərdir.
