Aralıq dənizində ard-arda üç dəfə güclü zəlzələ olub.
"Operativ Məlumat Mərkəzi-OMM" xəbər verir ki, bu barədə Türkiyə KİV-i məlumat yayıb.
Bildirilib ki, Krit adası sahillərində 5,2 ballıq zəlzələ qeydə alınıb. Bundan sonra Aralıq dənizi sahillərində 4,7 və 3, 9 bal gücündə daha iki zəlzələ olub.
Zəlzələlərin dərinliyinin müvafiq olaraq 5,5, 5,2 və 4,5 kilometr olduğu bildirilib. Təbii fəlakət İzmir və Antaliyada da hiss edilib.
Qeyd edək ki, daha əvvəl Türkiyənin Adana şəhərində də ard-arda zəlzələlər olmuşdu.
