Türkiyənin Antalya şəhərində axşam saatlarında baş vermiş funikulyor qəzasında 17 nəfər xəstəxanaya yerləşdirilib.
"Operativ Məlumat Mərkəzi-OMM" xəbər verir ki, bu barədə Türkiyənin Səhiyyə naziri Fəxrəddix Qoca məlumat verib.
"Teleferik qəzasında yaralanan 17 nəfər xəstəxanalara aparılıb və onların müalicəsi davam etdirilir. Kabinlərdə sıxışan və xilas edilən 68 nəfər evə buraxılıb".
Xatırladaq ki, yerli vaxtla saat 17:30 (Bakı vaxtı ilə 18:30) radələrində Antalyada funikulyor xəttini daşıyan dirəklərdən birinin aşması nəticəsində kabinələrdən biri qayalığa düşüb. Nəticədə 1 nəfər ölüb.