Afət Ziyadqızı
Ankarada keçiriləcək NATO Liderlər Zirvəsi ilə əlaqədar paytaxtda təhlükəsizlik tədbirləri maksimum səviyyəyə çatdırılıb.
“Operativ Məlumat Mərkəzi-OMM” xəbər verir ki, şəhərin mərkəzi hissələrində, xüsusilə Tunalı Hilmi küçəsində hüquq-mühafizə orqanları tərəfindən genişmiqyaslı yoxlamalar həyata keçirilir.
Məlumata görə, polis əməkdaşları şübhəli hesab edilən avtomobilləri və şəxsləri saxlayaraq ciddi nəzarət prosedurlarından keçirir. Nəqliyyat vasitələrinin sənədləri, sürücülərin vəsiqələri yoxlanılır, zəruri hallarda avtomobillərdə axtarışlar aparılır.
Bildirilib ki, qaydaları pozan və sənədlərində çatışmazlıq olan sürücülərə qarşı qanunvericiliyə uyğun olaraq inzibati cərimələr tətbiq edilib.
Qeyd olunub ki, NATO Liderlər Zirvəsi ilə bağlı Ankaranın müxtəlif strateji nöqtələrində yol polisi və təhlükəsizlik qüvvələri tərəfindən nəzarət tədbirləri davam etdirilir. Tədbirlərin əsas məqsədinin ictimai asayişin və ümumi təhlükəsizliyin tam şəkildə təmin olunması olduğu vurğulanıb.
