Almaniyada insan haqları, inkişaf, sülh və humanitar yardım sahələrində fəaliyyət göstərən 37 assosiasiya hökumətdən İsrailə silah ixracını dayandırmağı və beynəlxalq hüquq çərçivəsində üzərinə düşən öhdəlikləri yerinə yetirməyi tələb edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Baş nazir Olaf Şolz İqtisadiyyat və İqlim Mühafizəsi naziri Robert Habek, Xarici İşlər Naziri Annalena Baerbok, Ədliyyə Naziri Marko Buşman, Müdafiə naziri Boris Pistorius və İqtisadi Əməkdaşlıq və İnkişaf naziri Svenya Şulzeyə birgə açıq məktub göndərib.

Məktubda Fələstindəki humanitar vəziyyət Beynəlxalq Ədalət Məhkəməsi (ICJ) və Birləşmiş Millətlər Təşkilatının (BMT) qəbul etdiyi qərarlara və BMT rəsmiləri və ekspertlərinin sözlərinə istinad edilib.

Məktubda Almaniya hökuməti üzvlərindən BMT Təhlükəsizlik Şurasının dərhal atəşkəs və məhbusların azad edilməsini nəzərdə tutan qərarlarının həyata keçirilməsi üçün səy göstərməyə çağırılıb və Münaqişədə iştirak edən bütün tərəflərin Qəzzada beynəlxalq humanitar hüquqa hörmət edin deyə qeyd edilib.

Fransa polisi ölkənin şimalında yerləşən Ruan şəhərində sinaqoqu yandırmağa cəhd edən şəxsi güllələyib.

"Operativ Məlumat Mərkəzi-OMM" TASS-a istinadən xəbər verir ki, bu barədə Fransanın daxili işlər naziri Jerald Darmanen “X” sosial şəbəkəsindəki hesabında məlumat verib.

“Ruanda polis bu gün səhər tezdən şəhər sinaqoqunu yandırmağı planlaşdıran silahlı şəxsi zərərsizləşdirib”, - o qeyd edib.

“Le Parisien” qəzetinin polisdəki mənbəyə istinadən verdiyi məlumata görə, həmin şəxs bıçaq və dəmirdən olan çubuqla silahlanmışdı. O, polislərə yaxınlaşmaq istəyəndə onlar xidməti silahdan atəş açıblar.

İsrail döyüş təyyarələrinin Qəzza zolağının şimalındakı Cibaliya Qaçqınlar Düşərgəsində mülki əhalinin yerləşdiyi ərazini vurması nəticəsində çoxlu sayda ölən və yaralananın olduğu bildirilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İlkin məlumatlara görə, hücumda çoxlu fələstinli ölüb, çoxlu sayda fələstinli yaralanıb. Ölən və yaralananlar Cibaliya bölgəsindəki Əl-Avde xəstəxanasına gətirilib.

İndoneziyanın Şimali Maluku əyalətindəki İbu vulkanında baş verən silsilə püskürmələrdən sonra xəbərdarlıq səviyyəsi ən yüksək səviyyəyə qaldırılıb.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Belə ki, İndoneziya Geologiya Administrasiya rəsmilərindən Məhəmməd Vafid ötən həftədən bəri partlayışların yaşandığı İbu vulkanı ilə bağlı açıqlama verib.

Vafid əyalətdəki Halmahera adasındakı vulkanın vulkanik fəaliyyətlərinin araşdırılması nəticəsində xəbərdarlıq səviyyəsinin ən yüksək səviyyə olan 3-dən 4-ə yüksəldildiyini bildirib. Səlahiyyətlilər yerli əhaliyə və turistlərə 1325 metr yüksəklikdəki İbu vulkanının 7 kilometrliyində heç bir fəaliyyətlə məşğul olmamaq barədə xəbərdarlıq edib.

Fransanın Sakit okeanda yerləşən Yeni Kaledoniya adasında bazar ertəsi başlayan şiddətli iğtişaşlarda 206 nəfər saxlanılıb.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Fransa parlamentində 10 ildən artıqdır adada yaşayan Fransa sakinlərinə əyalət seçkilərində daha çox səsvermə hüququ verilməsini təklif edən qanun layihəsi müzakirə olunmağa başladığı üçün Makronun əmri ilə dünən getdikcə şiddətlənən iğtişaşları yatırmaq üçün fövqəladə vəziyyət elan edilib. İş yerlərinin, nəqliyyat vasitələrinin və infrastrukturun zədələndiyi hadisələrdə üsyançılar yollarda barrikadalar qurub. Yerli media hadisələrdə ən azı 4 nəfərin öldüyünü açıqlayıb.

Braziliyada leysan yağışların səbəb olduğu daşqınlarda həyatını itirənlərin sayının 150-yə, itkin düşənlərin sayının isə 112-yə yüksəldiyi bildirilib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Belə ki, ölkənin cənubundakı Rio Qrande-du-Sul əyalətində iki həftədir davam edən yağışların səbəb olduğu daşqınlar səbəbindən can və mal itkiləri artır.

Açıqlamada yaralananların sayının 807-yə yüksəldiyi və seldən zərər çəkənlərin sayının 2 milyon 120 mini, köçkünlərin sayının isə 620 mini keçdiyi bildirilib. Fəlakət bölgəsindən 80 min insanın xilas edildiyi, axtarış-xilasetmə işlərinin davam etdiyi bildirilib.