Almaniya Ukraynaya dəyəri 150 milyon avro olan 12 ədəd özüyeriyən haubitsa verəcək.
"Operativ Məlumat Mərkəzi-OMM" xarici KİV-ə istinadən xəbər verir ki, bunu ABŞ Hərbi Hava Qüvvələrinin Ramşteyn bazasında Almaniya Müdafiə Nazirliyinin rəhbəri Boris Pistorius deyib.
“Bu il 6 müasir artilleriya qurğusu, gələn il isə daha 6 artilleriya qurğusu təhvil veriləcək”, - deyə nazir bildirib.
Bundan əvvəl Almaniya kansleri Olaf Şolz Ukraynaya daha 17 IRIS-T zenit-raket kompleksi təhvil verəcəyini vəd etmişdi ki, onlardan dördünün 2024-cü ildə təhvil verilməsi planlaşdırılır.