Almaniya hakimiyyəti qeyri-qanuni immiqrasiyanın qarşısını almaq üçün ölkə sərhədlərində nəzarəti daha altı ay uzadıb.
"Operativ Məlumat Mərkəzi-OMM" xəbər verir ki, baş nazir Olaf Şolz bu barədə "X" sosial şəbəkəsində bildirib.
“Biz qeyri-qanuni miqrasiya ilə mübarizədə sabitliyimizi qoruyuruq. Bu gün biz yenidən Almaniyanın bütün sərhədlərində müvəqqəti nəzarətin altı ay müddətinə uzadılmasına göstəriş verərək Avropa Komissiyasına məlumat verdik”, - deyə o qeyd edib.
Şolz əlavə edib ki, sərhəd nəzarəti tətbiq olunduqdan sonra ölkəyə 47 min qanunsuz giriş halının qarşısı alınıb.
