Biz rasizm məsələsinə çox ciddi yanaşırıq və bunun qarşısının alınması üçün əlimizdən gələni edirik.

"Operativ Məlumat Mərkəzi-OMM" xəbər verir ki, bunu Almaniya Federativ Respublikasının Kansleri Olaf Şolts aprelin 26-da Berlində Azərbaycan Respublikasının Prezidenti İlham Əliyevlə birgə mətbuat konfransında jurnalistlərin suallarını cavablandırarkən deyib.

Onun sözlərinə görə, Almaniyada dini fərqlilik heç bir rol oynamır və bir çox millətlərin nümayəndələri bu ölkədə birgə yaşayır.

Azərbaycan və Slovakiya strateji tərəfdaşlıq haqqında Bəyannamə imzalayacaq.

"Operativ Məlumat Mərkəzi-OMM" Slovakiya KİV-ə istinadən xəbər verir ki, sənəd Slovakiyanın Baş naziri Robert Fitsonun Azərbaycana səfəri çərçivəsində imzalanacaq.

Slovakiyanın Baş naziri Robert Fiko Azərbaycana səfərə yollanıb.

"Operativ Məlumat Mərkəzi-OMM" bu barədə Slovakiya KİV-ə istinadən xəbər verir.

Səfərdə onu üç nazir - xarici işlər, iqtisadiyyat, müdafiə naziri və böyük bir sahibkarlar qrupu müşayiət edir.

Slovakiya və Azərbaycan iş adamlarının iştirakı ilə birgə biznes forum da keçiriləcək.

Füzulidə dağıntıların miqyasını, eyni zamanda yenidənqurma işlərini görəndə çox təsirləndik.

"Operativ Məlumat Mərkəzi-OMM" xəbər verir ki, bunu Füzuli və Şuşaya səfər edən ABŞ-nin Azərbaycandakı səfiri Mark Libbi deyib.

Səfirliyin "X" hesabındakı paylaşımda qeyd olunub ki, Mark Libbi səfər çərçivəsində ABŞ-nin Azərbaycana yardımlarından danışıb. O qeyd edib ki, Birləşmiş Ştatlar USAID, Siyasi-Hərbi Məsələlər Bürosu, Əhali, Qaçqınlar və Miqrasiya Bürosu və bir çox digər agentliklər və beynəlxalq təşkilatlar vasitəsilə müstəqillik qazandıqdan sonra Azərbaycana 1,5 milyard dollardan çox yardım göstərib:

"Buraya məcburi köçkün icmalarına 250 milyon dollardan çox ayrılmış yardım və minaların təmizlənməsinə dəstək üçün ayrılmış 38 milyon dollardan çox yardım da daxildir. Biz bu yardımın göstərilməsində üzərimizə götürdüyümüz öhdəliklərə sadiqiq”.

Şuşada olduğuma görə xoşbəxtəm.

"Operativ Məlumat Mərkəzi-OMM" xəbər verir ki, bunu ABŞ-nin Azərbaycandakı səfiri Mark Libbi Şuşa şəhərinə səfəri ilə bağlı təəssüratlarını bölüşərkən deyib.

"Biz iki aya yaxındır ki bu səfərə hazırlaşırdıq və şadam ki, bu səfər nəhayət baş tutdu. Qonaqpərvərliyinizə görə təşəkkür edirəm. Azərbaycanın bütün bölgələrinə səfərlərimi davam etdirməyi səbirsizliklə gözləyirəm", - diplomat ABŞ səfirliyinin "X" sosial şəbəkəsindəki səhifəsində yerləşdirilən videoda bildirib.

ABŞ-nin Azərbaycandakı səfiri Mark Libbi Azərbaycan Prezidentinin Şuşa rayonu üzrə xüsusi nümayəndəsi Aydın Kərimov ilə görüşüb.

"Operativ Məlumat Mərkəzi-OMM" xəbər verir ki, bu barədə səfirliyin "X"dəki hesabında paylaşım edilib.

“Səfir Libbi Şuşada şəhərin inkişafı istiqamətində görülən işlər və onun məcburi köçkünlərinin qayıdışı ilə bağlı ətraflı məlumat almaq üçün xüsusi nümayəndə Aydın Kərimovla görüşüb. Onlar həmçinin regionun “yaşıl enerji”sini və ABŞ-nin Azərbaycanın məcburi köçkün icmalarına və minalardan təmizləmə təşəbbüslərinə göstərdiyi dəstəyi müzakirə ediblər”, - paylaşımda qeyd edilib.