Almaniya hökumətinin rəsmi nümayəndəsi Şteffen Hebestreit brifinqdə bildirib ki, Berlin Aİ-nin Gürcüstan və Ermənistandakı missiyaları çərçivəsində qoşunlarını artıracaq.
"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yayıb.
"Aİ-nin Ermənistandakı mülki missiyası üçün polis əməkdaşlarının maksimum sayı 15-dən 25-ə, Aİ-nin Gürcüstandakı monitorinq missiyası üçün isə kontingent 20-dən 30-a qədər artırılacaq", - deyə Hebestreit bildirib.
O əlavə edib ki, Somalidən gələn alman kontingenti də 10 nəfərdən 20 nəfərə qədər artırılacaq.
