Afət Ziyadqızı
Almaniya hökuməti Avropa İttifaqı (Aİ) Komissiyasının birliyin 2028-2034-cü illər dövrü üçün büdcəsini 2 trilyon avroya çatdırmaq planını “qəbuledilməz” hesab edib.
"Operativ Məlumat Mərkəzi-OMM" xəbər verir ki, bu barədə hökumət sözçüsü Stefan Kornelius tərəfindən imzalanan yazılı açıqlamada bildirilib.
Həmçinin qeyd olunub ki, Almaniya hökuməti Aİ Komissiyasının təklif etdiyi əlavə korporativ vergini dəstəkləmir.
Bəyanatda həmçinin Aİ Komissiyasının islahatlara yanaşması və büdcənin yeni prioritetlərə uyğunlaşdırılması "doğru yol" olaraq qiymətləndirilir və əlavə edilib: "Bu, Avropanı gələcəkdə güclü etmək üçün doğru yoldur. Biz rəqabət qabiliyyətimizi artırmalı və müdafiəyə hazır olmalıyıq".
