Alimlər havanı elektrik enerjisinə çevirən, demək olar ki, sonsuz təmiz enerji mənbəyini potensial olaraq açan bir ferment kəşf ediblər.
"Operativ Məlumat Mərkəzi-OMM" "TRT HABER" istinadən xəbər verir ki, Avstraliyanın Melburn şəhərindəki Monaş Universitetindən bir qrup, torpaq bakteriyalarından hidrogeni istehlak edən bir fermentin atmosferdən enerji mənbəyi kimi istifadə edərək elektrik cərəyanları yarada biləcəyini müəyyən edib.
Monaş Universitetinin professoru Chris Greening: "Biz bir müddətdir ki, Antarktika torpaqlarında, vulkanik kraterlərdə və okeanın dərinliklərində yaşayan bakteriyaların havadakı hidrogendən böyümək və sağ qalmaq üçün enerji mənbəyi kimi istifadə edə biləcəyini bilirik",- deyib.
Bu kəşf çərşənbə günü Nature elmi jurnalında dərc olunan "Atmosfer hidrogenindən bakteriya enerjisinin çıxarılmasının struktur əsasları" adlı məqalədə ətraflı təsvir edilmişdir.
Tədqiqatçıların fikrincə, Huc adlanan ferment "təəccüblü dərəcədə sabit" və "havadan enerji" yaratmaqda yüksək təsirli olduğunu sübut etdi.
Təcrübələr göstərdi ki, təmizlənmiş Huc-u elektrik enerjisi istehsal etmək gücünü itirmədən dondurma və ya 80 dərəcə Selsi temperaturunda uzun müddət saxlamaq mümkündür.
"Təbii baterya" fermenti Huc-un ilk tətbiqləri günəş enerjisi ilə işləyən cihazlara alternativ olaraq kiçik hava ilə işləyən qurğuları əhatə edir.
