OMM Redaksiyası
Litva millisinin sabiq baş məşqçisi Algimantas Lyubinskas Azərbaycan və Litvada futbolun gerilədiyini deyib. O, fikirlərini Tofiq Bəhramov adına Respublika stadionunun 75 illiyinə həsr olunan “Neftçi” və “Spartak Vilnüs” veteranlarının oyunu öncəsi səsləndirib.
Lyubinskas Bakıya ilk dəfə 1983-cü ildə “Jalgiris”in məşqçisi kimi gəldiyini xatırladıb. Onun sözlərinə görə, həmin vaxt hava yaxşı olsa da, komanda məğlub olub. Litvalı mütəxəssis 1984-cü ildə yüksək liqada çıxış etdiklərini də qeyd edib.
“O dövrdə Azərbaycanda futbol yüksək səviyyədə idi. Təəssüf ki, indi vəziyyət belə deyil. Hazırda həm Azərbaycan, həm də Litva sonuncu qrupda mübarizə aparır. Şəhəriniz çox yaxşı istiqamətdə dəyişib, amma futbol həm sizdə, həm də bizdə geriləyir. Dibə doğru gedirik. Buna görə sevinməyə əsas yoxdur. Yalnız belə yoldaşlıq görüşlərinə sevinmək olar”, – Lyubinskas bildirib.
