Afət Ziyadqızı
Avropa İttifaqı Şurası Suriyadakı vəziyyətlə bağlı tətbiq olunan sanksiyalarla əlaqədar yeni qətnamə qəbul edib.
“Operativ Məlumat Mərkəzi-OMM” xəbər verir ki, bu barədə xarici KİV məlumat yayıb.
Məlumata görə, qərar 19 may tarixində Aİ-nin rəsmi jurnalında dərc olunub.
Sənədə əsasən, Suriyanın bir sıra dövlət və təhlükəsizlik qurumları sanksiya siyahısından çıxarılıb.
Siyahıdan çıxarılan qurumlar arasında Siyasi Təhlükəsizlik Departamenti, Baş Kəşfiyyat İdarəsi, Hərbi Kəşfiyyat Departamenti, Hərbi Hava Qüvvələri Kəşfiyyat İdarəsi, Müdafiə Nazirliyi, Daxili İşlər Nazirliyi və Ali Tətbiqi Elmlər və Texnologiya İnstitutu yer alıb.
Bildirilir ki, dəyişikliklər 18 yanvar 2012-ci il tarixli Aİ sanksiyaları qaydalarına edilən düzəlişlər çərçivəsində həyata keçirilib.
