Avropa İttifaqı (Aİ) və ABŞ-ın danışıqlar yolu ilə gömrük tarifləri ilə bağlı problemləri aradan qaldıra və bu çərçivədə Çinə qarşı ittifaq qura biləcəyi nəzərdə tutulur.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Brüsseldə yaşayan ticarət analitiki Johann Veick Aİ ilə ABŞ arasında ticarət gərginliyi və ABŞ-ın tariflərinin Avropaya təsirləri ilə bağlı qiymətləndirmələr aparıb.
ABŞ prezidenti Donald Trampın tətbiq etdiyi tariflərin mahiyyət etibarı ilə vergilər olduğunu ifadə edən Veick, bu vergilərin qiymətləri artıracağını və yüksək qiymətlərin son istehlakçıya da yansıyacağını qeyd edib.
