Kanadanın Baş naziri Castin Trudeau, ABŞ-nin martın 4-də başlayacağını söylədiyi tariflərə "son dərəcə sərt" cavab verəcəyini söyləyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Trudeau, ABŞ prezidenti Donald Trampın Kanada və Meksikaya tariflərin planlaşdırıldığı kimi qüvvəyə minəcəyi ilə bağlı verdiyi açıqlamadan danışıb.
Hökumətin 4 Mart və ondan sonra Kanadaya heç bir tarif tətbiq edilməməsinə diqqət yetirdiyini ifadə edən Trudeau, tariflərin hər iki ölkənin narahat olduğu fentanil problemi ilə əlaqəli olduğunu ifadə edib.
Bu problemin qaynağının Kanada olmadığını və tədbir olaraq əhəmiyyətli addımlar atdıqlarını vurğulayan Trudeau, "Kanadaya qarşı ədalətsiz tariflər tətbiq olunarsa, dərhal və son dərəcə sərt şəkildə cavab verəcəyik" deyib.
