ABŞ-ın yeni seçilmiş prezidenti Donald Tramp Nümayəndələr Palatasının keçmiş üzvü Tulsi Qabbardın ABŞ Milli Kəşfiyyatının direktoru vəzifəsinə namizədliyini irəli sürmək qərarını açıqlayıb.
"Operativ Məlumat Mərkəzi-OMM" xəbər verir ki, bu barədə Respublikaçılar Partiyasının komandasının bəyanatında deyilir.
Qabbard əvvəllər Demokrat Partiyasının üzvü idi və 2020-ci il prezident seçkilərinə Demokratların namizədi kimi daxil olub.
Lakin o, sonradan Ukraynaya dəstək də daxil olmaqla bir sıra xarici siyasət məsələlərində partiyanın mövqeyini tənqid edib. Hazırda Qabbard Trampı və Respublikaçılar gündəmini fəal şəkildə dəstəkləyir.
Qabbard ABŞ-ın Ukrayna və Rusiya Federasiyasına qarşı xarici siyasətini tənqid etməsi ilə tanınır. O, ABŞ-ın hazırkı administrasiyasının Rusiyanı zəiflətmək üçün Ukraynadakı münaqişəni uzatmağa çalışdığını bildirib və tərəfləri dinc danışıqlara çağırıb.
2022-ci ildə Qabbard bildirib ki, münaqişənin həlli üçün istənilən cəhd Ukraynanın ərazi güzəştləri və onun neytral statusu ilə əlaqələndiriləcək.
