OMM Redaksiyası
ABŞ kəşfiyyat orqanları hesab edir ki, Amerika Birləşmiş Ştatları və İsrailin endirdiyi kütləvi zərbələrə baxmayaraq, İranın hərbi arsenalının əhəmiyyətli hissəsi toxunulmaz qalıb.
"Operativ Məlumat Mərkəzi-OMM" xəbər verir ki, bu barədə CNN telekanalı öz mənbələrinə istinadən məlumat yayıb.
Kəşfiyyat məlumatları ilə tanış olan mənbə bildirib ki, rəsmi Tehran hələ də bütün regionda ciddi xaos yaratmaq əzmindədir.
Hesabatda vurğulanıb ki, İranın hərbi arsenalının təxminən yarısı hələ də istifadəyə yararlıdır.
Bəzi raket buraxılış qurğuları ABŞ və İsrail hücumlarından sonra yeraltı sığınacaqlarda qaldığı üçün müvəqqəti olaraq sıradan çıxmış ola bilər.
Xatırladaq ki, Pentaqon rəhbərinin sabiq müşaviri Duqlas Makqreqor bir müddət əvvəl ABŞ-ın silah ehtiyatlarını tükətsə belə, İrana qarşı müharibədə qalib gələ bilməyəcəyini iddia etmişdi.
