ABŞ Mərkəzi Komandanlığının (CENTCOM) rəisi Maykl Kurilla deyib ki, İslam İnqilabı Keşikçiləri Korpusunun Qüds Qüvvələri və əlaqəli qruplar regionun təhlükəsizliyinə, Amerika vətəndaşlarına və İraqın sabitliyinə təhdid yaratmaqda davam edir.
"Operativ Məlumat Mərkəzi-OMM" xəbər verir ki, bu barədə yazı "X" sosial şəbəkəsində CENTCOM səhifəsində dərc olunub.
Kurilla bildirib ki, amerikalıların təhlükəsizliyini təhdid edənləri məsuliyyətə cəlb etmək üçün tədbirlər görməyə davam edəcək.
Fələstin-İsrail münaqişəsi kəskinləşməyə başlayandan bəri ABŞ-ın İraq və Suriyadakı hərbi bazalarına raket və pilotsuz təyyarələrdən istifadə edilən hücumlar daha tez-tez baş verir. Şiə hərbçiləri ABŞ-ın İsrailə yardımını davam etdirməsi səbəbindən bu ərəb ölkələrində silahlı əməliyyatların sayını artıracaqları barədə xəbərdarlıq ediblər.
