ABŞ 7 oktyabr 2023-cü ildən bəri İsrailə 17,9 milyard dollar hərbi yardım edib.
"Operativ Məlumat Mərkəzi-OMM" xəbər verir ki, bu barədə məlumat Brovn Universitetinin Vatson Beynəlxalq və İctimai Münasibətlər İnstitutu tərəfindən hazırlanan hesabatda əks olunub.
Hesabatda sözügedən tarixlərdə ABŞ İsrailə Xarici Hərbi Maliyyələşdirmə (FMF) proqramı çərçivəsində 6,8 milyard dollar, raketdən müdafiə sistemlərinin inkişafı və yenilənməsi üçün 5,7 milyard dollar ayırıb.
Bu dövrdə İsrailə edilən 17,9 milyard dollarlıq hərbi yardımın bir hissəsinin əvvəlki illərdə əldə edilmiş razılaşmalara əsaslandığı bildirilən hesabatda bu rəqəmin Vaşinqtonun sözügedən dövrdə İsrail ordusuna verdiyi ümumi dəstəyin bir hissəsi olduğu vurğulanıb.
