ABŞ-nin Merilend ştatında bir evdə yanğın baş verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, baş verən yanğında 4-ü uşaq olmaqla 6 nəfər həyatını itirib.
Yerli rəsmilərin verdiyi məlumata görə, bir nəfər qaçaraq yanğından xilas olub.
Təxminən 70 yanğınsöndürən bir saatdan artıq müddətdə alovlara qarşı mübarizə apararaq yanğını nəzarət altına alıb.
Həmçinin, tüstüdən zəhərlənən bir yanğınsöndürən xəstəxanaya yerləşdirilib.
Yanğının səbəbi ilə bağlı araşdırma başladılıb.
