ABŞ-da qar fırtınası: 41 milyon sakin çətinliklə üzləşib

ABŞ-nin şimal-şərqində, Merilenddən Menə qədər 41 milyondan çox sakin qar fırtınası səbəbindən əlverişsiz hava şəraiti ilə üzləşib.

"Operativ Məlumat Mərkəzi-OMM" xəbər verir ki, bununla bağlı "NBC News" məlumat yayıb.

Bildirilib ki, Pensilvaniya, Rod-Aylend, Konnektikut, Nyu-York, Nyu-Cersi və digər ştatlarda fövqəladə vəziyyət elan edilib.

Yerli hakimiyyət orqanları nəqliyyatın hərəkətinə məhdudiyyətlər tətbiq edib və məktəblər ləğv edilib.

Qeyd olunub ki, bəzi ərazilərdə 70 sm-dən çox qar yağacağı və küləyin sürətinin 30 m/s-dən çox olacağı gözlənilir.

Ötən gün ABŞ-də 3400 uçuş ləğv edilib, daha 7300 uçuş isə təxirə salınıb.

162 mindən çox müştəri elektrik enerjisiz qalıb, ən ciddi elektrik kəsintiləri Nyu-Cersi və Delaver ştatlarında qeydə alınıb.

Daha əvvəl Nyu-York şəhərinin meri Zoran Mamdani yaxınlaşan fırtına səbəbindən metropolisdə fövqəladə vəziyyət elan etmişdi.

BMT hava şəraiti ilə əlaqədar olaraq 23 fevralda qərargahını bağlayacağını açıqlamışdı.