ABŞ Dövlət Departamentinin sözçüsü Metyu Miller İsrailin ABŞ və beynəlxalq qanunları pozub-pozmadığına dair hesabatın təxirə salınacağını bildirib.

"Operativ Məlumat Mərkəzi-OMM" xəbər verir ki, Miller Xarici İşlər Nazirliyində jurnalistlərə verdiyi açıqlamada İsrailin ABŞ qanunlarını və beynəlxalq qanunları pozduğuna dair iddialar əsasında hazırlanan hesabatla bağlı bunları deyib: "Hesabat bu gün verilməyəcək. Hesabatı yekunlaşdırmaq üçün çalışmalarımız davam edir".

Çin Sədri Si Cinpin İran Prezidenti İbrahim Rəisinin ölümü ilə əlaqədar başsağlığı verib.

"Operativ Məlumat Mərkəzi-OMM" xəbər verir, bu barədə Çin Xarici İşlər Nazirliyinin məlumatında bildirilib.

İran Prezidenti İbrahim Rəisi və onu müşayiət edən rəsmi şəxslərin helikopter qəza nəticəsində həlak olması ilə əlaqədar Pakistanda birgünlük matəm elan edilib.

"Operativ Məlumat Mərkəzi-OMM" “Mehr” agentliyinə istinadən xəbər verir ki, bunu Pakistanın Baş naziri Şahbaz Şerif hadisə ilə bağlı İran rəhbərliyinə və xalqına verdiyi başsağlığında bildirib.

Baş nazir qeyd edib ki, Prezident və onun tərəfdaşlarına hörmət əlaməti olaraq qardaş İranla həmrəylik nümayiş etdirmək üçün Pakistanda ictimai matəm keçiriləcək, ölkənin bayrağı yarıya qədər endiriləcək.

Avropa İttifaqı (Aİ) Şurasının Prezidenti Şarl Mişel İrana başsağlığı verib.

"Operativ Məlumat Mərkəzi-OMM" xəbər verir ki, bu barədə o, "X"də yazıb.

"Aİ helikopter qəzasında prezident İbrahim Rəisinin və xarici işlər naziri Əmir Abdullahianın, eləcə də onların nümayəndə heyətinin və ekipajının digər üzvlərinin vəfatı ilə bağlı səmimi başsağlığı verir. Düşüncələrimiz həlak olanların ailələri ilədir",-o qeyd edib.

Finlandiyanın baş naziri Petteri Orpo Rusiya Federasiyası ilə sərhədin açılmasına icazə verib.

"Operativ Məlumat Mərkəzi-OMM" xəbər verir ki, bu barədə Yle Radio Suomi məlumat yayıb.

“Biz sərhəd nöqtəsindən başlamağa cəhd edə bilərik. Və sərhədin hər iki tərəfində əməkdaşlıq olarsa, bu, digərlərinin də açılmasına şərait yaradacaq”, - o bildirib.

Finlandiyalı siyasətçinin sözlərinə görə, Rusiya tərəfində minlərlə insan sərhədin açılmasını gözləyir.

Orpo qaçqınların Rusiyaya qaytarılması ilə bağlı qanun layihəsinin qəbulunu sərhədin açılması üçün şərt kimi qiymətləndirib.

İsrail özəl olaraq İran prezidenti İbrahim Rəisinin helikopter insidenti ilə əlaqəsi olduğunu təkzib edib.

"Operativ Məlumat Mərkəzi-OMM" xəbər verir ki, bu barədə İsrail televiziyası Kanal 13-ə istinadən məlumat yayıb.

Jurnalistlər hadisə ilə bağlı İsraildən heç bir rəsmi şərh verilmədiyini, eyni zamanda rəhbərliyin bu hadisə ilə heç bir əlaqəsinin olmadığını dünya ölkələrinə “aydın şəkildə göstərdiyini” bildiriblər.