ABŞ-nin Solt-Leyk-Siti şəhərində baş verən atışma nəticəsində iki nəfər ölüb, daha altı nəfər yaralanıb.
"Operativ Məlumat Mərkəzi-OMM" xəbər verir ki, bu barədə şəhər polisi “Facebook” səhifəsində məlumat yayıb.
Yaralılardan üçünün vəziyyətinin ağır olduğu bildirilir.
“Hələlik şübhəlilər müəyyən edilməyib, lakin əməkdaşlarımızın ciddi ipucları var və hadisədə iştirak edən şəxslərin müəyyənləşdirilməsi istiqamətində iş aparılır”, – deyə hüquq-mühafizə orqanlarının açıqlamasında qeyd olunub.
“ABC News” yazır ki, atışma dəfn mərasiminin keçirildiyi kilsə binasının yaxınlığında baş verib.
