ABŞ-ın Hind-Sakit Okean Komandanlığının rəhbəri Con Aquilino bildirib ki, Çin Asiyadakı ritorikasında və hərəkətlərində getdikcə aqressivləşir.

"Operativ Məlumat Mərkəzi-OMM" xəbər verir ki, onun sözlərini Bloomberg sitat gətirib.

Onun sözlərinə görə, ABŞ dövlət katibi Antoni Blinkenin ölkəyə səfəri ərəfəsində Pekin də Vaşinqtona təzyiqləri artırıb.

Onun sözlərinə görə, Pekinin Cənubi Çin dənizindəki hərəkətləri son dərəcə təhlükəlidir və regionda sabitliyi pozacaq. Komandir həmçinin Çini Tayvan ətrafında "daha aqressiv təzyiq kampaniyası planına" görə tənqid edib.

İrlandiyanın paytaxtı Dublində Trinity Kollecinin tələbələri və bir qrup fəal Fələstinə dəstək nümayiş etdirib.

Londonda Universitet Kollecinin qarşısında da Fələstinlə həmrəylik aksiyası keçirilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Tələbələr kampusda qurduqları çadırlara “İsrail terror dövlətidir”, “Soyqırıma son”, “Çaydan dənizə” və “Azad Fələstin” yazıblar. Şəhərdəki İşıq Anıtı önünə toplaşan fəallar Fələstin və İrlandiya bayraqlarını açaraq Trinity Kollecinə doğru yürüş ediblər.

Nümayişçilər şəhərciyin qarşısında tələbələrə dəstək şüarları səsləndirərək, əllərində “Trinity College məzunları tələbələrin yanındadır”, “İsrail ilə əlaqələri kəsin” və “Azad Fələstini” yazan pankartlar tutublar.

İsveçin paytaxtı Stokholmda İsrailin mayın 11-də keçiriləcək "Eurovision" Mahnı Müsabiqəsində iştirakına etiraz edilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Yüzlərlə insan İsveçin Malmö şəhərində keçiriləcək "Eurovision" Mahnı Müsabiqəsində İsrailin boykot edilməsini tələb edib.

Burada edilən açıqlamada İsrailin "Eurovision" Mahnı Müsabiqəsində iştirakına görə mayın 11-də Malmödə iki böyük nümayişin keçiriləcəyi və nümayişə Avropanın müxtəlif şəhərlərindən Fələstini dəstəkləyən minlərlə fəalın qatılacağı açıqlanıb.

İsrail ordusunun 211 gündür hücumlarını davam etdirdiyi Qəzza zolağında can itkisi son 24 saatda 32 nəfər artaraq 34 min 654 nəfərə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Yaralı sayının isə 77 min 908-ə yüksəldiyi qeyd edilib.

İndoneziyanın Sulavesi adasında baş verən sel və torpaq sürüşməsi nəticəsində 15 nəfəri ölüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Sel və torpaq sürüşmələri zamanı minlərlə insana ziyan dəyib.

Braziliyada güclü yağışların səbəb olduğu daşqınlarda ölənlərin sayı 56-ya, itkin düşənlərin sayı isə 67-yə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Braziliyanın cənubundakı Rio Grande do Sul əyalətində həftə başından bəri təsirli olan yağışlar can və mal itkilərinin artmasına səbəb olub.

Açıqlamada 74 yaralının xəstəxanalara aparıldığı, axtarış-xilasetmə işlərinin fasiləsiz davam etdiyi bildirilib. Yerli mətbuatın məlumatına görə, daşqınlardan 377 min 497 nəfər mənfi təsirlənib və 281 şəhərdə ciddi dağıntılar baş verib.