2023-cü ildə Banqladeşdə 34 ilin ən yüksək İİV hadisəsi aşkar edilib

Banqladeşdə qazanılmış immun çatışmazlığı sindromuna (QİÇS) səbəb olan insan immunçatışmazlığı virusuna (İİV) 1276 yoluxma faktı aşkarlanıb.

"Operativ Məlumat Mərkəzi-OMM" xəbər verir ki, bu barədə bu barədə Banqladeş Səhiyyə Xidmətləri Baş Müdirliyi (DGHS) paylaşım edib.

Hesabatda 2023-cü ildə aşkar edilən 1276 İİV hadisəsinin 1989-cu ildən bəri Banqladeşdə müşahidə edilən ən yüksək hal olduğu qeyd olunub.

İİV-ə yoluxanların sayının artdığı vurğulanan hesabatda 2023-cü ildə bu virusdan 266 nəfərin öldüyü, 2022-ci ildə 947 nəfərin qeydə alındığı, 232 ölüm halının qeydə alındığı bildirilib.