Afət Ziyadqızı
Qazaxıstan prezidenti Kasım-Jomart Tokayev Qazaxıstanın Ukraynadakı səfiri Darxan Kaletayevin vəzifəsindən azad edilməsi haqqında fərman imzalayıb.
"Operativ Məlumat Mərkəzi-OMM" xəbər verir ki, fərman ölkə prezidentinin saytında dərc olunub.
“Prezidentin qərarı ilə Darxan Amanoviç Kaletayev Qazaxıstan Respublikasının Ukraynadakı fövqəladə və səlahiyyətli səfiri vəzifəsindən azad edilib”, - məlumatda deyilir.
Digər sərəncamla isə Tolejan Barlıbayevin Qazaxıstanın Ukraynadakı səfiri təyin ediləcəyi bildirilib. O, bu vəzifəyə təyin olunmazdan əvvəl Qazaxıstanın Slovakiya, Bosniya və Herseqovina və Xorvatiyadakı diplomatik nümayəndəliklərinə rəhbərlik edib.
