OMM Redaksiyası
Sudan sərhədindəki mübahisəli Abyei bölgəsində həftə sonu həyata keçirilən hücumlarda 37 mülki vətəndaş həyatını itirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Abyeidə yerli hakimiyyət orqanlarından verilən açıqlamada, bölgənin 4 kəndində şənbə günü təşkil edilən hücumlarda 19 nəfərin, bazar günü isə 3-ü uşaq olmaqla 18 nəfərin öldüyü bildirilib.
Onlarla insanın yaralandığı, 18 nəfərin qaçırıldığı hücumlarda ən azı min mal-qaranın oğurlandığı və bir çox iş yerinin talan edildiyi bildirilib.
Xatırladaq ki, ötən həftə etnik münaqişələrin baş verdiyi Abyei bölgəsində 2-si Birləşmiş Millətlər Təşkilatının sülhməramlısı olmaqla 53 nəfər həlak olub.
