Rusiya Xarici İşlər Nazirliyi Ekvadordakı qruplaşmaların üsullarını pisləyib

Rusiya Ekvadordakı qruplaşmaların girov götürmə də daxil olmaqla terror üsullarını pisləyib.

"Operativ Məlumat Mərkəzi-OMM" xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

Onun sözlərinə görə, Rusiya Ekvador hakimiyyətindən “geniş yayılmış cinayətkar elementlərə qarşı effektiv maneə yaratmağı” gözləyir.

Zaxarova həmçinin iğtişaşların öz-özünə bitəcəyinə və ölkə üzərində nəzarətin bərpa olunacağına ümid etdiyini qeyd edib.