Qəzzanın şimalında toqquşmalar yenidən başlayıb

İsrail qüvvələri Qəzza zolağının şimalında geri çəkildikləri ərazilərə yenidən daxil olaraq Fələstin müqavimət qrupları ilə toqquşmaya başlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, İsrail ordusu şimal hissəsi Cibaliya, Beyt Hanun, Beyt Lahiya və Qəzza şəhərlərindəki bəzi ərazilərə yenidən daxil olub.

Qəzza şəhərinin Şucayya, əl-Tuffah məhəllələri və Senafur bölgəsində, Cibaliyanın Cəbəl-Rəys, Beyt Hanun əl-Sikke və Beyt Lahiyanın Um ən-Nəsr kəndində İsrail qüvvələri ilə Fələstin müqavimət qrupları arasında toqquşmalar yenidən başlayıb.

İsrail qüvvələri yenidən daxil olmamışdan əvvəl sözügedən əraziləri intensiv artilleriya və hava zərbələri ilə vurub. Şahidlər bombardmandan sonra çoxlu ölü və yaralı olduğunu bildiriblər.