Qətər Xarici İşlər Nazirliyindən verilən yazılı açıqlamada, Doha rəhbərliyinin İsrailin İordan çayının qərb sahilində təxminən 3500 evdən ibarət yeni yaşayış məntəqəsi inşasına icazə verməsi qərarının şiddətlə pisləndiyi bildirilib.
"Operativ Məlumat Mərkəzi-OMM" xəbər verir ki, bəyanatda bu addımın beynəlxalq hüququn, xüsusilə Birləşmiş Millətlər Təşkilatının Təhlükəsizlik Şurasının (BMT) 2334 saylı qətnaməsinin açıq şəkildə pozulması və Fələstin xalqının hüquqlarına açıq hücum olduğu vurğulanıb.
Bəyanatda qeyd olunub ki, Şərqi Qüds də daxil olmaqla Qərb Sahilinin böyük bir hissəsini “yəhudiləşdirməyə” yönəlmiş məskunlaşma planları və təşəbbüsləri Fələstin və İsrail arasında iki dövlətli həllin həyata keçirilməsinə yönəlmiş beynəlxalq səylərə ciddi təhlükə yaradır. Onun həyata keçirilməsi üçün lazımi tədbirləri görmək və lazımi məsuliyyətləri öz üzərinə götürmək, o cümlədən İsraili işğal olunmuş Fələstin ərazilərində məskunlaşma siyasətini dayandırmağa məcbur etmək lazımdır.
