Qazaxıstan bir daha Bakı və İrəvana sülh müqaviləsinin bağlanması üzrə danışıqlar üçün Almatada platforma təklif etməyə hazırdır.
"Operativ Məlumat Mərkəzi-OMM" xəbər verir ki, bu barədə Qazaxıstan prezidenti Kasım-Jomart Tokayevin mətbuat xidməti Astanada səfərdə olan Ermənistan prezidenti Vaaqn Xaçaturyanla danışıqların yekunlarına dair məlumat yayıb.
“Kasım-Jomart Tokayev Qazaxıstan tərəfinin Azərbaycan və Ermənistan arasında sülh müqaviləsinin bağlanması üzrə danışıqlar üçün Almata platformasını təmin etməyə davam etməyə hazır olduğunu təsdiqləyib”, - deyə məlumatda bildirilir.
Mətbuat xidməti qeyd edib ki, Tokayev və Xaçaturyan ikitərəfli münasibətləri də müzakirə ediblər.
