Lavrov Rusiyanın ABŞ-İran nüvə danışıqları ilə bağlı mövqeyinə aydınlıq gətirib

Rusiya tərəfi ABŞ və İranın İranın nüvə proqramı ilə bağlı razılığa gəlmək istəyini alqışlayır. Bunu xarici işlər naziri Sergey Lavrov iranlı həmkarı Abbas Əraqçi ilə görüşündən sonra deyib.

"Operativ Məlumat Mərkəzi-OMM" xəbər verir ki, bunu Rusiya xarici işlər naziri Sergey Lavrov iranlı həmkarı Abbas Əraqçi ilə görüşündən sonra deyib.

"Biz İranın nüvə proqramı üzrə birgə hərtərəfli fəaliyyət planı məsələsini ətraflı müzakirə etdik. Təbii ki, Rusiya bu prosesi asanlaşdırmağa hazırdır və İran İslam Respublikasının qanuni maraqlarını nəzərə alan razılaşmaları hər cür dəstəkləyəcək", - o deyib.

Lavrov vurğulayıb ki, Rusiya tərəfi İran və ABŞ arasında danışıqlar prosesində Tehranın xeyrinə olacaq istənilən rolu oynamağa hazırdır.