Afət Ziyadqızı
Kollektiv Təhlükəsizlik Müqaviləsi Təşkilatının baş katibi İmanqali Tasmaqambetov bəyan edib ki, KTMT Ermənistan qarşısında götürdüyü öhdəlikləri tam yerinə yetirib.
"Operativ Məlumat Mərkəzi-OMM" xəbər verir ki, o, bu barədə “İzvestiya” qəzetinə müsahibəsində bildirib.
O qeyd edib ki, Ermənistan təşkilatdan çıxmaq qərarına gəlsə, bu, onun suveren hüququ olacaq, lakin bu halda Qafqazda qüvvələr nisbəti dəyişə bilər, çünki təsirini müəyyən etmək çətin olan regional təhlükəsizlik amilləri işə düşə bilər.
Tasmaqambetovun sözlərinə görə, Ermənistanla KTMT arasında münaqişə ehtimalından danışarkən tərəflərin resurs bazası və real imkanları nəzərə alınmalıdır. O əlavə edib ki, KTMT katibliyi NATO-nun fəaliyyətini nəzərə alır və alyansın əsas üzvlərinin maraqları ilə bağlı mürəkkəb prosesləri təhlil edir.
