Əli Məmmədli
Türkiyənin Kocaeli vilayətinin Derince bölgəsində güclü partlayış olub.
"Operativ Məlumat Mərkəzi-OMM" xəbər verir ki, günorta saatlarında bölgənin sahilə yaxın hissəsində partlayış səsi eşidilib.
Hadisənin Torpaq Məhsulları Ofisinin siloslarının yerləşdiyi ərazidə baş verdiyi bildirilir. Partlayışın səbəbi məlum deyil, ərazidə tüstü və toz buludu müşahidə edilir.
Bildirilib ki, partlayış gəmiyə taxıl yükləyən zaman baş verib.
Bölgəyə xilasetmə, tibb və polis işçiləri göndərilib.
İlkin məlumata görə, partlayış zamanı 4 nəfər yaralanıb.
