İsrail ordusu 2025-ci ilin iyul ayında İordan çayının qərb sahili və Şərqi Qüdsdə fələstinlilərə qarşı 1821 hücum həyata keçirib.
"Operativ Məlumat Mərkəzi-OMM" xəbər verir ki, bu barədə məlumat Fələstin Azadlıq Təşkilatının (FAT) Ayrılıq Divarı və Yəhudi Məskunlaşmalarına Qarşı Şuranın birgə bəyanatında verilib.
Bəyanatda qeyd olunub ki, həmin hücumların 1355-i İsrail hərbi qulluqçuları, 466-sı isə israilli sakinlər tərəfindən təşkil olunub.
Hücumların növləri arasında silahlı basqınlar, torpaq zəbtləri, yolların kəsilməsi və məcburi köçkünlərin zorla yerindən çıxarılması yer alır.
Fələstin rəsmiləri vurğulayırlar ki, İsrailin Qəzzada davam etdirdiyi əməliyyatlarla paralel olaraq, İordan çayının qərb sahili və Şərqi Qüdsdə işğal və zorakılıq tədbirləri də artmaqdadır.
7 oktyabr 2023-cü ildən indiyədək bu ərazilərdə ən azı 1013 fələstinli həyatını itirib, təxminən 7000 nəfər yaralanıb, 18500-dən çox şəxs isə həbs edilib.
