Beynəlxalq Atom Enerjisi Agentliyi (MAQATE) Tehranın nüvə silahı hazırladığına dair heç bir dəlil tapmayıb .
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Rafael Qrossi bildirib ki, İranın nüvə silahı əldə edə bilməsi və onun əlində olması iki fərqli məsələdir: "Bizim təqdim etdiyimiz məlumatlar həqiqətən də həssas idi, çünki o, nüvə bombası üçün müəyyən potensiala işarə edirdi. Amma bu, potensialın reallaşacağını deməyə əsas vermir. Tehranın belə bir niyyəti olsa belə, bu, daha uzun sürəcək. İranlılar zənginləşdirilmiş uranı hələ başlamamış metala çevirməli olacaqlar. İkincisi, nüvə başlığına sığacaq qədər kiçik olan çox mürəkkəb sistemlərin bütün seriyasını yaratmaq lazımdır".
