HƏMAS Livan və İsrail arasında atəşkəs elan edildikdən sonra Qəzza zolağında atəşi dayandırmağa hazırdır.
"Operativ Məlumat Mərkəzi-OMM" xəbər verir ki, bu barədə qrupun nümayəndəsinə istinadən "Frans Press" agentliyi məlumat yayıb.
İsrail Müdafiə Qüvvələri ilə Livanın Hizbullah hərəkatı arasında bir gün əvvəl imzalanan atəşkəs razılaşması noyabrın 27-də qüvvəyə minib.
ABŞ prezidenti Co Bayden bildirib ki, sənəd hərbi əməliyyatların daimi dayandırılması və mülki əhalinin Livan-İsrail sərhədi boyunca zərərçəkmiş ərazilərə qayıtması üçün şərait yaradılmasını ehtiva edir.
